Дотоод хэргийн их сургуулиас "Олон улсын хүүхдийн эрхийг хамгаалах өдөр”-ийг тохиолдуулан Их сургуулийн багш, албан хаагч, ажилтнуудын хүүхдүүдэд зориулсан “Хамтдаа бүтээе-Хамтдаа инээе” өдөрлөгийг Их сургуулийн “Спорт-албаны дадлага сургалтын байгууламж”-д өнөөдөр /2026.05.29/ зохион байгууллаа.

Өдөрлөгийг Их сургуулийн Захиргааны удирдлагын газрын дарга, цагдаагийн хурандаа Ц.Отгондаваа нээн үг хэлж, хүүхэд багачуудад баярын мэнд хүргэн, амжилт хүссэн юм.

Энэ үеэр бяцхан хүүхэд багачуудын дунд “Би том болоод...” сэтгэл зүйн булан ажиллуулж, “Миний аав, ээжийн ажил-миний бахархал” сэдэвт гар зургийн уралдаан, “АХА” хөгжөөнт тэмцээн, “OPEN MIC”, аав ээжтэйгээ хамт авхаалж самбаагаа сорьсон уралдаан тэмцээнүүдийг зохион байгуулсан нь хүүхдүүдийн сонирхлыг татаж, дурсамж дүүрэн нэг өдрийг ээж, аавтайгаа өнгөрүүллээ.

Дотоод хэргийн их сургуулиас хоёр дахь жилдээ зохион байгуулагдаж өдөрлөгийг байгаа энэ дэмжин “Хаан банк”, “Голомт банк”, мөн “Kids Land” хүүхдийн тоглоомын дэлгүүр тус тус хамтран ажиллаж, хүүхэд багачуудад гарын бэлэг гардууллаа.

Өдөрлөгт идэвх санаачлагатай оролцсон багш, албан хаагч, ажилтнууд, тэдний гэр бүл, үр хүүхдүүд, хамтран ажилласан байгууллагуудын хамт олонд талархал илэрхийлье.