✅ Монгол Улсын мастерсын улсын аварга шалгаруулах усанд сэлэлтийн тэмцээн 06 дугаар сарын 06-07-ны өдрүүдэд Сонгинохайрхан дүүргийн усан бассейнд боллоо.

✅ Тус тэмцээнд Усан спортын сургалт хариуцсан ахлах дасгалжуулагч-багш, хурандаа Н.Үербаатар ахлагчтай Дотоод хэргийн их сургуулийн 6 албан хаагч амжилттай оролцов.

✅ Усан спортын сургалт хариуцсан ахлах дасгалжуулагч-багш, хурандаа Н.Үербаатар өврөөр даллах сэлэлтийн 100 метрийн төрөлд мөнгөн медаль, араар даллах сэлэлтийн 100 метр, мэлхий сэлэлтийн 100 метр, өврөөр даллах сэлэлтийн 50 метрийн төрөлд тус тус хүрэл медаль, усчин-аврагч, ахлах ахлагч Э.Амарбаяр араар даллах сэлэлтийн 200 метр, мэлхий сэлэлтийн 200 метр, эрвээхэй сэлэлтийн 100 метрийн төрөлд тус тус мөнгөн медаль, мэлхий сэлэлтийн 100 метрийн төрөлд хүрэл медаль, бэлтгэл хурандаа С.Энхсайхан мэлхий сэлэлтийн 100 метрийн төрөлд хүрэл медаль, хурандаа Ч.Энхбаяр араар даллах сэлэлтийн 200 метрийн төрөлд хүрэл медаль тус тус хүртлээ.

✅ Түүнчлэн бэлтгэл хурандаа Б.Наранбаатар, ном зүйч, цагдаагийн дэслэгч Т.Мянганжадамба нар шагналт дөрөвдүгээр байрт шалгарав.

✅ Дотоод хэргийн их сургуулийн нэрийг өндөрт өргөж, амжилт гаргасан тамирчдадаа баяр хүргэж, амжилт хүсье.