✅ Шинжлэн магадлах ухааны сургуулиас хууль зүйн доктор (Ph.D), дэд профессор, цагдаагийн хурандаа Б.Лхагвасүрэн багшийн "Криминалистикийн шинжилгээ судлал", "Мөр" номын “НОМЫН УНШЛАГА-ХЭЛЭЛЦҮҮЛЭГ” үйл ажиллагааг өнөөдөр /2026.06.04/ Их сургуулийн “Генерал” танхимд зохион байгууллаа.

✅ Энэхүү үйл ажиллагаанд Их сургуулийн Эрдэм шинжилгээ, инновацын газрын Эрдэм шинжилгээний хүрээлэнгийн захирал, доктор (Ph.D), цагдаагийн хурандаа Н.Мөнхзул, хууль зүйн доктор (Ph.D), дэд профессор, цагдаагийн хурандаа Т.Бямбаа, Шинжлэн магадлах ухааны сургуулийн захирал, доктор (Ph.D), цагдаагийн дэд хурандаа Б.Номин болон Шинжлэн магадлах ухааны сургуулийн эрдэмтэн профессор, багш, сонсогч, суралцагчид оролцлоо.

✅ Хууль зүйн доктор (Ph.D), дэд профессор, цагдаагийн хурандаа Б.Лхагвасүрэн нь 20 гаруй жил багшлах, сурган хүмүүжүүлэх ажил эрхэлж, Шүүх шинжилгээ, Цагдаа, Онцгой байдал, Хил хамгаалах, Шүүхийн шийдвэр гүйцэтгэх байгууллагын таван мянга гаруй хүний нөөцийг сургаж бэлтгэхэд бие сэтгэл, билэг оюунаа дайчлан ажилласан сурган хүмүүжүүлэгч эрдэмтэн юм. Тэрээр докторын 1, магистрын 5, бакалаврын судалгааны ажил 20 гаруйг удирдан амжилттай хамгаалуулж, нийт 10 орчим гарын авлага, сурах бичиг, нэг сэдэвт бүтээлийг туурвижээ.

✅Номын уншлагын үеэр хууль зүйн доктор (Ph.D), дэд профессор, цагдаагийн хурандаа Б.Лхагвасүрэн багшийн шавь нар халуун дулаан яриа өрнүүлж, "Криминалистикийн шинжилгээ судлал", "Мөр" бүтээлийн шинжлэх ухааны үнэ цэн, агуулга, ач холбогдлыг тодотгон, үйл хэргийг үргэлжлүүлэн хамтран бүтээл туурвих талаар ярилцлаа