✅️ Гардан тулааны залуучуудын дэлхийн аварга шалгаруулах болон насанд хүрэгчдийн дэлхийн цомын аварга шалгаруулах тэмцээн ОХУ-ын Москва хотноо 05 дугаар сарын 14–18-ны өдрүүдэд боллоо.

Дэлхийн 14 улсын 260 гаруй тамирчин оролцсон энэхүү тэмцээнд Дотоод хэргийн их сургуулийн баг, тамирчид амжилттай оролцож, Монгол Улс болон Их сургуулийнхаа нэр хүндийг олон улсын дэвжээнд өндөрт өргөсөн байна.

✅️ Ахмад багш, хурандаа С.Энхсайхан насанд хүрэгчдийн дэлхийн цомын тэмцээнд 60+ насны ангилалд мөнгөн медаль, түрүүч С.Есдаулет залуучуудын дэлхийн аварга шалгаруулах тэмцээнд алтан медаль, насанд хүрэгчдийн дэлхийн цомын тэмцээнд алтан медаль, түрүүч Л.Баасандорж залуучуудын дэлхийн аварга шалгаруулах тэмцээнд мөнгөн медаль, насанд хүрэгчдийн дэлхийн цомын тэмцээнд хүрэл медаль, 1+1 төрөлд мөнгөн медаль, түрүүч Г.Ган-Оч залуучуудын дэлхийн аварга шалгаруулах тэмцээнд хүрэл медаль, насанд хүрэгчдийн дэлхийн цомын тэмцээнд мөнгөн медаль, сонсогч М.Бат-Эрдэнэ залуучуудын ангилалд алтан медаль, насанд хүрэгчдийн ангилалд хүрэл медаль, 1+1 төрөлд мөнгөн медаль тус тус хүртэж бахдам амжилт гаргалаа.

✅️ Тамирчдыг эх орондоо ирэхэд Монголын гардан тулааны холбооны тэргүүлэгчид, Монгол Улсын Ардын багш, доктор, профессор, цагдаагийн хурандаа С.Хаянгарваа угтан авч баяр хүргэсэн юм.

✅️ Дотоод хэргийн их сургуулийн удирдлага, багш, сурган хүмүүжүүлэгчид нь сонсогчдын бие бялдрын хөгжил, биеийн хүч, тэсвэр хатуужил, сахилга хариуцлага, спортын бэлтгэлжилтийг системтэйгээр дэмжин хөгжүүлж ирсэн нь энэхүү амжилтын үндэс болсныг дасгалжуулагч багш, дэд хурандаа Х.Оналбек онцолсон юм.

✅️ Олон улсын тэмцээнд бахдам амжилт үзүүлж, Монгол Улсынхаа нэрийг өндөрт өргөсөн Дотоод хэргийн их сургуулийн баг тамирчдадаа халуун баяр хүргэж, спортын өндөр амжилт хүсье.